ابي الغالي

الى كل من فقدت تاج راسها ...
الى كل من فقدت سندها ...
الى كل من فقدت حبيبها...
الى كل من فقدت الحنان ,,, الامان ,,, القوة ,,, الصلابة ,,,,
الى كل من فقدت أبيـــــــــــــــــها ...

ففي رايي ان الاب هو تاج راس بنته ... وسندها في هذه الدنيا الفانية ...
أهدي لكم هذه الابيات المعبره جدا والتي عبرت عما بداخلي من الم وحزن وحرقة على فراق ابي الغالي ....
والله يافراشات اني اكتب لكم الان وانا اشعر اني اكتب لاخواتي وانا اعلم ان هذا المكان هو خاص للبوح بما في دواخلنا من الالام وجروح لن اطيل عليكم ....
يبه شلونك
ملل هالكون من دونك ..
يبه شلونك ؟؟
وتمضي رحلة الدنيا.. بليا طلة عيونك..
يبه شلونك ؟؟

وشلون المرض وياك ؟؟
بعد ماهدك بدنياك..
عساها تغمض جفونك ؟؟

تبي تدري عن احبابك ؟؟
عن عيون تغنا بك ؟؟
عن قلوب دفنها الشوق.. واذا جاها الغفا جابك ؟؟

يبه امي تخيلك دوم.. تدعي لك مع القمرا..

يبه واللي خذاك بيوم..خذا بكريتك عفرا..
خذا.. وياما خذا.. وياما..خذا ناس يحبونك

يبه حنا غدينا كبار.. توفقنا وتخرجنا.. يبه ماعاد فيه صغار..
يموج بهالزمن كل شي.. وحنا ماتموجنا..
على ذاك العهد نسري.. نبيع العمر والدنيا.. ولا تخلف بنا ظنونك
يبه شلونك ؟؟

تبي تدري عن اخباري ؟؟
عن افكاري وتذكاري ؟؟
اشيلك داخلي جمره .. وبعيون الحزن عبره.. تغرقني .. وتحرقني..
اشوفك نجمة تجبر.. مراعيها .. يراعيها..
واشوفك للرجوله اسم.. اذا شد الزمن تقسى..
واحلم من معاني الحلم..
احسك مقبل بكرا.. وعيا لايجي بكرا!! ..

يبه تذكر زمان مر ؟؟
هو احلى مابهالعمر ..
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي ..
ملل هالكون من دونك


ويرد الاب في لحده قائلا :

يابنتي يابعد عمري ..
انا ودعت فادعي لي ..
عمر خلّص وأنهيته ..
بقى عمرك ياعمري انتي ..
يابنتي يكفي اللوعة ..
يابنتي تكفي العبره ..
يابنتي هذي الدنيا ..
عسى ربي يسامحها ..
خذتني فجأة عنك ..
وصوتك صار يصحبني ..
احبك موت وانا بالموت ..
احبك يابعد سلواي ..
كتمت الحب في دنياي ..
ولا اخبرت ياعمري ..
ولكن بعد ماراحوا ..
تركوني نايم ممدد ..
تذكرتك على بالي ..
بغيت اطلع واركض لك ..
ولكن ماقدرت اطلع ..
لقيت اصخور قدامي ..
ولكن انتي انفاسي ..
بعد ماقطعت انفاسي ..
يابنتي لاتناسيني ..
يابنتي لاتخليني ..
بدعواتك ودعواتك .. سلامي لك وكل البيت ..
ترى والله احبه زود ..
نعم اذكر مجالسنا .. نعم اذكر سوالفنا ..
نعم اتذكر البسمات .. بعد اذكر تمازحنا ..
ذكرتي يوم اصوت لك .. وعند الباب اناديكي ..
وانتي تلبسين حجاب .. واقول ابسرعه صيفنا ..
وجيتي تركضي يمي .. وقلتي خلاص مشينا نروح ..
ذكرتي ياامل دنياي ..
ضحكت وكنت مستانس .. لعبت وكنت سلواكم ..
وماظنيت في لحظه .. افارق وابتعد عنك ..
نصيحة اسعدي عمرك .. ولا تبكين ارجوكي ..
وشوفي كل هالدنيا .. تراها ماتساوي شي ..
ألا ياليت ارجعها .. ولو ساعة واقول الله ..
واسبح واذكر الخالق .. وبعده اخذك يمي ..
وابوسك بوسة موادع .. واطبعها بعالي الراس ..
سلم راسك وانفاسك ..
سلامي يابعد عمري ..
ولاتنسني بالدعوة ..

اللهم ارحم من اشتاقت لهم نفوسنا وهم تحت التراب
اللهم عن كل قطره عرق نزلت من ابي سعيا لرزقنا فارفع به درجته في الجنه وحرم عليه حر الاخره يا كريم
واسقه شربه هنيئه من يد نبيك حبيبك
اللهم ارحم موتانا واموات المسلمين

صلوا موتاكم ~ بالدعاء والصدقة

ف ~ غدا ستكونوا معهم ؛ وتحتاجون من يصلكم ~
اللهم ارحم الاحياء والاموات ربي يخليلي ابوي وامي وما يحرمنا منهم لولاهم لتهنا الحمد لله